~~~~~~~~~~~~~~~~
*రక్తహీనత తగ్గించే అంజీర*
~~~~~~~~~~~~~~~~~
అంజీర.. తాజా పండుగా తీసుకున్నా, డ్రైఫ్రూట్లా తీసుకున్నా ప్రయోజనాలు బోలెడు.
అవి ఏంటంటే...?
* ఇందులో పీచు అధికంగా లభిస్తుంది. పీచు అరుగుదలకు మేలు చేస్తుంది. జీర్ణవ్యవస్థ పని తీరును మెరుగు పరుస్తుంది. దాంతో మలబద్ధకం దూరమవుతుంది. చిన్నారులకు దీన్ని రెండుపూటలా తినిపించడం మంచిది.
* ఈ మధ్య కాలంలో వయసుతో సంబంధం లేకుండా చాలామందిలో అధికరక్తపోటు సమస్య కనిపిస్తోంది. దీన్ని అదుపు చేయడానికి పొటాషియం, సోడియం దొరికే పదార్థాలకు ప్రాధాన్యం ఇవ్వాలి. ఈ పోషకాలు అంజీరలో దొరుకుతాయి. అవి అధికరక్తపోటును అదుపులో ఉంచుతాయి.
* మహిళల్లో రక్తహీనత సమస్య ఎక్కువగా ఉంటుంది. అలాంటి వారు రోజూ అంజీర తీసుకోవడం మంచిది. ఇందులో హిమోగ్లోబిన్ స్థాయుల్ని పెంచే పోషకాలు అధికం. రక్తహీనతా దూరమవుతుంది.
* బరువు తగ్గాలనుకునేవారు దీన్ని ఎంచుకోవడం మంచిది. కొన్ని ముక్కల్ని భోజనానికి ముందు తీసుకోవడం వల్ల పొట్ట త్వరగా నిండిపోతుంది. అతిగా తినే సమస్య తగ్గుతుంది. కొలెస్ట్రాల్ సమస్య ఉండదు.
* హృద్రోగాలతో బాధపడేవారు ప్రతిరోజూ తీసుకునే ఆహారంలో అంజీర చేర్చుకుంటే మేలు. ఇందులో పెక్టిన్ అనే పదార్థం శరీరంలోని వ్యర్థాలనూ తొలగిస్తుంది. గుండెకూ మేలుచేస్తుంది.
* సంతానం కోరుకునేవారూ అంజీరను ఎంత తీసుకుంటే అంత మంచిది. దీనిలో అధికంగా ఉండే మెగ్నీషియం, మాంగనీసు, జింకు సంతాన సాఫల్యత పెంచడంలో కీలక పాత్రపోషిస్తాయి.