🔱🙏మాతంగినీకవచం🙏🔱
(శీఘ్ర ఫలితం ఇచ్చే స్త్రోత్రం)
శ్రీదేవ్యువాచ
సాధు సాధు మహాదేవ కథయస్వ సురేశ్వర .
మాతంగీకవచందివ్యం సర్వసిద్ధికరన్నృణాం .. 1..
శ్రీ ఈశ్వర ఉవాచ
శృణు దేవి ప్రవక్ష్యామి మాతంగీకవచం శుభం .
గోపనీయం మహాదేవి మౌనీ జాపం సమాచరేత్ .. 2..
అస్య శ్రీమాతంగీకవచస్య దక్షిణామూర్తిరృషిర్విరాట్
ఛందో మాతంగీ దేవతా చతుర్వర్గసిద్ధయే వినియోగః ..
ఓం శిరో మాతంగినీ పాతు భువనేశీ తు చక్షుషీ .
తోడలా కర్ణయుగలంత్రిపురా వదనం మమ .. 3..
పాతు కంఠే మహామాయా హృది మాహేశ్వరీ తథా .
త్రిపుష్పా పార్శ్వయోః పాతు గుదే కామేశ్వరీ మమ .. 4..
ఊరుద్వయే తథా చండీ జంఘయోశ్చ హరప్రియా .
మహామాయా పాదయుగ్మే సర్వాంగేషు కులేశ్వరీ .. 5..
అంగంప్రత్యంగకంచైవ సదా రక్షతు వైష్ణవీ .
బ్రహ్మరంధ్రే సదా రక్షేన్మాతంగీ నామ సంస్థితా .. 6..
లలాటే రక్షయేన్నిత్యం మహాపిశాచినీతి చ .
నేత్రాభ్యాం సుముఖీ రక్షేద్దేవీ రక్షతు నాసికాం .. 7..
మహాపిశాచినీ పాయాన్ముఖే రక్షతు సర్వదా .
లజ్జా రక్షతు మాందంతే చోష్ఠౌ సంమార్జనీకరీ .. 8..
చిబుకే కంఠదేశే తు చకారత్రితయంపునః .
సవిసర్గం మహాదేవీ హృదయంపాతు సర్వదా .. 9..
నాభిం రక్షతు మా లోలా కాలికావతు లోచనే .
ఉదరే పాతు చాముండా లింగే కాత్యాయనీ తథా .. 10..
ఉగ్రతారా గుదే పాతు పాదౌ రక్షతు చాంబికా .
భుజౌ రక్షతు శర్వాణీ హృదయంచండభూషణా .. 11..
జిహ్వాయాం మాతృకా రక్షేత్పూర్వే రక్షతు పుష్టికా .
విజయా దక్షిణే పాతు మేధా రక్షతు వారుణే .. 12..
నైరృత్యాం సుదయా రక్షేద్వాయవ్యాంపాతు లక్ష్మణా .
ఐశాన్యాం రక్షయేద్దేవీ మాతంగీ శుభకారిణీ .. 13..
రక్షేత్సురేశా చాగ్నేయే బగలా పాతు చోత్తరే .
ఊర్ద్ధ్వంపాతు మహాదేవీ దేవానాం హితకారిణీ .. 14..
పాతాలే పాతు మా నిత్యఀ వశినీ విశ్వరూపిణీ .
ప్రణవంచ తతా మాయా కామబీజంచ కూర్చ్చకం .. 15..
మాతంగినీ ఙేయుతాస్త్రఀ వహ్నిజాయావధిర్మనుః .
సార్ద్ధైకాదశవర్ణా సా సర్వత్ర పాతు మాం సదా .. 16..
ఇతి తే కథితందేవి గుహ్యాద్గుహ్యతరంపరం .
త్రైలోక్యమంగలన్నామ కవచందేవదుర్లభం .. 17..
య ఇదంప్రపఠేన్నిత్యంజాయతే సంపదాలయం .
పరమైశ్వర్యమతులంప్రాప్నుయాన్నాత్ర సంశయః .. 18..
గురుమభ్యర్చ్చ్య విధివత్కవచంప్రపఠేద్యది .
ఐశ్వర్యం సుకవిత్వంచ వాక్సిద్ధిఀ లభతే ధ్రువం .. 19..
నిత్యంతస్య తు మాతంగీ మహిలా మంగలంచరేత్ .
బ్రహ్మా విష్ణుశ్చ రుద్రశ్చ యే దేవాః సురసత్తమాః .. 20..
బ్రహ్మరాక్షసవేతాలా గ్రహాద్యా భూతజాతయః .
తందృష్ట్వా సాధకందేవి లజ్జాయుక్తా భవంతి తే .. 21..
కవచంధారయేద్యస్తు సర్వసిద్ధిఀలభేద్ధ్రువం .
రాజానోఽపి చ దాసత్వం షట్కర్మాణి చ సాధయేత్ .. 22..
సిద్ధో భవతి సర్వత్ర కిమన్యైర్బహు భాషితైః .
ఇదం కవచమజ్ఞాత్వా మాతంగీఀ యో భజేన్నరః .. 23..
అల్పాయుర్నిర్ద్ధనో మూర్ఖో భవత్యేవ న సంశయః .
గురౌ భక్తిః సదా కార్యా కవచే చ దృఢా మతిః .. 24..
తస్మై మాతంగినీ దేవీ సర్వసిద్ధింప్రయచ్ఛతి .. 25..
ఇతి నంద్యావర్తే ఉత్తరఖండే త్వరితఫలదాయినీ మాతంగినీకవచం
🌷శ్రీ మాత్రే నమః🌷