🕉️ దైవాన్ని ఎన్నడూ నిందించవద్దు💖
🕉️ చిన్న కధ.. చదవండి...🕉️
*సముద్రంలో ప్రయాణిస్తున్న ఓ నావ అకస్మాత్తుగా ప్రమాదానికి గురయింది.*
*అందులో కేవలం ఒక్క వ్యక్తి మాత్రం అదృష్టవశాత్తూ బతికి బయటపడి ఒక కొయ్య దుంగ మీద తేలుతూ జన సంచారం లేని ఒక దీవిలోకి వచ్చి పడ్డాడు.*
*ఆ ప్రమాదం నుంచి రక్షించమని రోజూ భగవంతుని వేడుకుంటూ ఉన్నాడు.
*ఎవరైనా తనను రక్షించడానికి వస్తారేమోనని సముద్రం వైపు ఆశగా రోజూ ఎదురు చూసేవాడు. కానీ ఎవరూ కానరాలేదు. చూసి చూసి విసిగి పోయాడు.*
*ప్రకృతి శక్తుల నుండి రక్షణ కోసం తేలుతూ వచ్చిన చెక్కలతో ఒక చిన్న గుడిసె నిర్మించుకున్నాడు.
ఆ గుడిసెలో అలల తాకిడికి కొట్టుకువచ్చిన కొన్ని పనికొచ్చే వస్తువులు దాచుకున్నాడు.*
*ఇలా ఉండగా ఒక రోజు ఎంత తిరిగినా ఏమీ ఆహారం దొరకలేదు.*
*తిరిగి గుడిసె దగ్గరకు వచ్చేసరికి అది తగలబడిపోయి ఉంది. పొగలు పైకి లేస్తున్నాయి.*
*తనకున్న ఒక్క ఆధారం కూడా అగ్నికి ఆహుతి అయిపోయిందనుకున్నాడు. అతనికి ఏం చేయాలో తోచలేదు. బాధతో దేవుడ్ని నిందిస్తూ కుంగిపోయాడు.
తనకు పట్టిన దుర్గతిని తలుచుకుని దుఃఖిస్తూ అలాగే నిద్రలోకి జారిపోయాడు.*
*తరువాత కొంతసేపటికి లేచి చూసేసరికి ఒక నావ అతనుండే దీవిని సమీపిస్తూ కనిపించింది.*
*అది అతన్ని రక్షించడానికే వచ్చిందని తెలిసి అతని ఆనందానికి అవధుల్లేవు.
*ఆ నావలోని వాళ్ళలో ఒకర్ని “నేను ఇక్కడున్నానని మీకెలా తెలిసింది?” అని అడిగాడు.*
*“నువ్వు మంట పెట్టి పొగ ద్వారా మాకు సంజ్ఞలు చేశావు కదా! దానిని గుర్తు పట్టే ఇక్కడికి రాగలిగాం” అన్నాడు.*
*ఒక్కోసారి మన ఆశల సౌధాలు ఇలాగే మంటల్లో తగలబడిపోవచ్చు. కానీ ఆ తగలబడే మంటలు ఏ మంచికో సంకేతమూ, కారణమూ కావచ్చు ...అంతా దైవలీల*
నీతి:-
*ఎంత గొప్పవాళ్లకైనా వాన ఎప్పుడు వస్తుందో, ప్రాణం ఎప్పుడు పోతుందో తెలియదు. అలా తెలిస్తే మనిషి భయానికి, నిరాశకు లోనవుతాడు.* *ప్రపంచంలో ప్రతి ఒక్కరికి మంచి - చెడు, సుఖం - దుఃఖం, కష్టం - నష్టం వస్తూ ఉంటాయి. ఏది జరిగినా, ఎప్పుడు జరిగినా అంతా మన మంచికే దేవుడు చేస్తున్నాడనుకొని ఆటుపోట్లను తట్టుకొని జీవించాలి.
🙏🙏 🙏 🙏 🙏 🙏 🙏 🙏 🙏 🙏
Key Words : Telugu WhatsApp