🚩శ్రీ ఆది శంకరాచార్య విరచిత శ్రీ కాశీ విశ్వనాథ స్తోత్రం
*1) కంఠే యస్య లసత్కరాల గరళం గంగాజలం మస్తకే వామాంగే గిరిరాజ రాజతనయా జాయా భవానీ సతీ !*
*నంది స్కంద గణాధిరాజసహితా శ్రీవిశ్వనాథప్రభుః కాశీమందిరసంస్థితోఽఖిలగురుర్దేయాత్సదా మంగలం !!*
*2) యో దేవైరసురై ర్మునీంద్రతనయైర్గంధర్వయక్షోరగై- ర్నాగైర్భూతల వాసిభిర్ద్విజవరైః సంసేవితః సిద్ధయే !*
*యా గంగోత్తర వాహినీ పరిసరే తీర్థేరసంఖ్యైర్వృతా సా కాశీ త్రిపురారి రాజనగరీ దేయాత్సదా మంగలం !!*
*3) తీర్థానాం ప్రవరా మనోరథకరీ సంసారపారాపరా- నందా నంది గణేశ్వరైరుపహితా దేవైరశేషైః స్తుతా !*
*యా శంభోర్మణి కుండలైకకణికా విష్ణోస్తపోదీర్ఘికా సేయం శ్రీమణికర్ణికా భగవతీ దేయాత్సదా మంగలం !!*
*4) ఏషా ధర్మపతాకినీ తటరుహాసేవా వసన్నాకినీ పశ్యన్పాతకినీ భగీరథతపః సాఫల్యదేవాకినీ !*
*ప్రేమారూఢపతాకినీ గిరిసుతా సా కేకరాస్వాకినీ కాశ్యాముత్తర వాహినీ సురనదీ దేయాత్సదా మంగలం !!*
*5)విఘ్నావాసనివాసకారణ మహా గండ స్థలాలంబితః సిందూరారుణపుంజచంద్రకిరణప్రచ్ఛాదినాగచ్ఛవిః !*
*శ్రీవిశ్వేశ్వర వల్లభో గిరిజయా సానందకానందితః స్మేరాస్యస్తవ ఢుంఢిరాజముదితో దేయాత్సదా మంగలం !!*
*6) కేదారః కలశేశ్వరః పశుపతిర్ధర్మేశ్వరో మధ్యమో జ్యేష్ఠేశో పశుపశ్చ కందుకశివో విఘ్నేశ్వరో జంబుకః !*
*చంద్రేశో హ్యమృతేశ్వరో భృగుశివః శ్రీవృద్ధకాలేశ్వరో మధ్యేశో మణి కర్ణికేశ్వరశివో దేయాత్సదా మంగలం !!*
*7) గోకర్ణస్త్వథ భారభూతనుదనుః శ్రీచిత్రగుప్తేశ్వరో యక్షేశస్తిలపర్ణసంగమశివో శైలేశ్వరః కశ్యపః !*
*నాగేశోఽగ్నిశివో నిధీశ్వరశివోఽగస్తీశ్వరస్తారక- జ్ఞానేశోఽపి పితామహేశ్వరశివో దేయాత్సదా మంగలం !!*
*8) బ్రహ్మాండం సకలం మనోషితరసై రత్నైః పయోభిర్హరం ఖేలైః పూరయతే కుటుంబనిలయాన్ శంభోర్విలాసప్రదా !*
*నానాదివ్యలతా విభూషితవపుః కాశీపురాధీశ్వరీ శ్రీవిశ్వేశ్వరసుందరీ భగవతీ దేయాత్సదా మంగలం !!*
*9) యా దేవీ మహిషాసురప్రమథనీ యా చండముండా పహా యా శుంభాసుర రక్తబీజదమనీ శక్రాదిభిః సంస్తుతా !*
*యా శూలాసిధనుః శరాభయకరా దుర్గాదిసందక్షిణా- మాశ్రిత్యాశ్రితవిఘ్నశంసమయతు దేయాత్సదా మంగలం !!*
*10) ఆద్యా శ్రీర్వికటా తతస్తు విరజా శ్రీమంగలా పార్వతీ విఖ్యాతా కమలా విశాల నయనా జ్యేష్ఠా విశిష్టాననా !*
*కామాక్షీ చ హరిప్రియా భగవతీ శ్రీఘంటఘంటాదికా మౌర్యా షష్టిసహస్ర మాతృసహితా దేయాత్సదా మంగలం !!*
*11) ఆదౌ పంచనదం ప్రయాగ మపరం కేదార కుండం కురు- క్షేత్రం మానసకం సరోఽమృత జలం శావస్య తీర్థం పరం !*
*మత్స్యోదర్యథ దండఖాండసలిలం మందాకినీ జంబుకం ఘంటాకర్ణ సముద్ర కూప సహితో దేయాత్సదా మంగలం !!*
*12) రేవాకుండ జలం సరస్వతిజలం దుర్వాసకుండం తతో లక్ష్మీతీర్థ లవాంకుశస్య సలిలం కందర్ప కుండం తథా !*
*దుర్గాకుండమసీజలం హనుమతః కుండప్రతాపోర్జితః ప్రజ్ఞానప్రముఖాని వః ప్రతిదినం దేయాత్సదా మంగలం !!*
*13) ఆద్యః కూపవరస్తు కాలదమనః శ్రీవృద్ధకూపోఽపరో విఖ్యాతస్తు పరాశరస్తు విదితః కూపః సరో మానసః !*
*జైగీషవ్యమునేః శశాంకనృపతేః కూపస్తు ధర్మోద్భవః ఖ్యాతః సప్తసముద్ర కూపసహితో దేయాత్సదా మంగలం !!*
*14) లక్ష్మీ నాయక బిందుమాధవహరి ర్లక్ష్మీనృసింహస్తతో గోవిందస్త్వథ గోపికాప్రియతమః శ్రీనారదః కేశవః !*
*గంగాకేశవ వామనాఖ్యతదను శ్వేతో హరిః కేశవః ప్రహ్లాదాదిసమస్తకేశవగణో దేయాత్సదా మంగలం !!*
*15) లోలార్కో విమలార్కమాయుఖరవిః సంవర్తసంజ్ఞో రవి- ర్విఖ్యాతో ద్రుపదుఃఖఖోల్కమరుణః ప్రోక్తోత్తరార్కో రవిః !*
*గంగార్కస్త్వథ వృద్ధవృద్ధివిబుధా కాశీపురీసంస్థితాః సూర్యా ద్వాదశ సంజ్ఞకాః ప్రతిదినం దేయాత్సదా మంగలం !!*
*16) ఆద్యో ఢుంఢివినాయకో గణపతిశ్చింతామణిః సిద్ధిదః సేనావిఘ్న పతిస్తు వక్త్రవదనః శ్రీపాశపాణిః ప్రభుః !*
*ఆశాపక్షవినాయకాప్రశకరో మోదాదికః షడ్గుణో లోలార్కాది వినాయకాః ప్రతిదినం దేయాత్సదా మంగలం !!*
*17) హేరంబో నలకూబరో గణపతిః శ్రీభీమచండీగణో విఖ్యాతో మణికర్ణికాగణపతిః శ్రీసిద్ధిదో విఘ్నపః !*
*ముండశ్చండముఖశ్చ కష్టహరణః శ్రీదండహస్తో గణః శ్రీదుర్గాఖ్యగణాధిపః ప్రతిదినం దేయాత్సదా మంగలం !!*
*18) ఆద్యో భైరవభీషణస్తదపరః శ్రీకాలరాజః క్రమా- చ్ఛ్రీసంహారక భైరవస్త్వథ రురుశ్చోన్మత్తకో భైరవః !*
*క్రోధశ్చండకపాల భైరవవరః శ్రీభూత నాథాదయో హ్యష్టౌ భైరవ మూర్తయః ప్రతిదినం దేయాత్సదా మంగలం !!*
*19) ఆధాతోఽమ్బికయా సహ త్రినయనః సార్ధం గణైర్నందితాం కాశీమాశు విశన్ హరః ప్రథమతో వార్షధ్వజేఽవస్థితః !*
*ఆయాతా దశ ధేనవః సుకపిలా దివ్యైః పయోభిర్హరం ఖ్యాతం తద్వృషభ ధ్వజేన కపిలం దేయాత్సదా మంగలం !!*
*20) ఆనందాఖ్య వనం హి చంపకవనం శ్రీనైమిషం ఖాండవం పుణ్యం చైత్రరథం త్వశాకవిపినం రంభావనం పావనం !*
*దుర్గారణ్యమథోఽపి కైరవవనం వృందావనం పావనం విఖ్యాతాని వనాని వః ప్రతిదినం దేయాత్సదా మంగలం !!*
*21) అలికులదలనీలః కాలదంష్ట్రాకరాలః సజలజలదనీలో వ్యాలయజ్ఞోపవీతః !*
*అభయవరదహస్తో డామరోద్దామనాదః సకలదురితభక్షో మంగలం వో దదాతు !!*
*22) అర్ధాంగే వికటా గిరీంద్రతనయా గౌరీ సతీ సుందరీ సర్వాంగే విలస ద్విభూతిధవలో కాలో విశాలేక్షణః !*
*వీరేశః సహనందిభృంగిసహితః శ్రీవిశ్వనాథః ప్రభుః కాశీమందిర సంస్థితోఽఖిలగురుర్దేయాత్సదా మంగలం !!*
*23) యః ప్రాతః ప్రయతః ప్రసన్నమనసా ప్రేమప్రమోదాకులః ఖ్యాతం తత్ర విశిష్టపాదభువనేశేంద్రాదిభిర్యత్స్తుతం !*
*ప్రాతః ప్రాఙ్ముఖ మాసనోత్తమగతో బ్రూయాచ్ఛృణోత్యాదరాత్ కాశీవాస ముఖాన్యవాప్య సతతం ప్రీతే శివే ధూర్జటి !!*
*ఇతి శ్రీమచ్ఛంకరాచార్య విరచితం శ్రీ కాశీ విశ్వనాథస్తోత్రం*
🕉🌞🌏🌙🌟🚩
Key Words : Telugu WhatsApp,కాశీ విశ్వనాథ స్తోత్రం - Kasi Viswanatha Stotram